Plantun de Prouvènço

Pèr coumpara dos planto d'encò nostre

Carex curvula subsp. rosae & Leontodon hispidus subsp. hyoseroides

Queirello(-enarcado)

Carex curvula subsp. rosae

Cyperaceae

Àutri noum : Queirello(-dóu-mount-Rose), Moutouso, Sagneto.

Nom en français : Laîche du mont Rose.

Descripcioun :
La queirello-enarcado trachis en mato dins li pelouso di cresten venta d'auto mountagno. Se recounèis subretout à si fueio primo (1 mm), plegado, enarcado e dessecado au bout. L'enflourejado èi courteto, de 1 à 2,5 cm, caupant 3 à 6 espigo sarrado dis escaume bruno, pounchudo e membranouso sus li bord (fotò). La subsp. presentado eici, Rosae vèn sus cauquié ; se recounèis peréu à si fueio mens sarrado e mens enarcado que sa cousino, Carex curvula subsp. curvula que se vèi sus siliço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 40 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 1 à 2,5 cm
Flourido : Estiéu

Sòu : Ca
Autour basso e auto : 2000 à 2800 m
Aparado : Noun
JUliet à avoust

Liò : Pelouso - Cresten
Estànci : Subaupen à Aupen
Couroulougi : Ouroufito-Sud-Ouèst-Éuroupenco
Ref. sc. : Carex curvula subsp. rosae (L.) Gilomen, 1937

Moulin-de-prat

Leontodon hispidus subsp. hyoseroides

Asteraceae Compositae

Àutri noum : Moulin-de-prat(-d'esboudèu), Mounge.

Noms en français : Liondent des éboulis, Liondent hispide.

Descripcioun :
Aquéu moulin-de-prat trachis en mato dins lis esboudèu de mountagno. Aquesto subsp. hyoseroides a de fueio pu prefoudamen descoupado que la subsp. hispidus que resto en plano, dins li champ. Coumpara emé la subsp. hispidus. Lou papus (paro-toumbant) èi d'un blanc brun au contro de lou de Scorzoneroides montana, blanc pur.

Usanço :
Li fueio, emai siegon pas di mai goustouso, soun manjadisso crudo o cuecho. Li racino podon servi en plaço dóu cafè .

Port : Erbo
Taio : Pancaro entresigna
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Leontodon
Famiho : Asteraceae
Famiho classico : Compositae
Tribu : Cichorieae

Coulour de la flour : Jauno
Petalo : >6
Ø (o loungour) flour : 1,5 à 2 cm
Flourido : Printèms - Estiéu - Autouno

Sòu : Ca
Autour basso e auto : 0 à 2200 m
Aparado : Noun

Liò : Esboudèu - Roubino de mountagno
Estànci : Subaupen à Aupen
Couroulougi : Pancaro entresigna
Ref. sc. : Leontodon hispidus subsp. hyoseroides (Welw. ex Rchb.) Gremli, 1885

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carex curvula subsp. rosae & Leontodon hispidus subsp. hyoseroides

ges

Coumpara Queirello(-enarcado) emé uno autro planto

Coumpara Moulin-de-prat emé uno autro planto